2016 جىلعى 24 تامىز, استانا, ۇكىمەت ءۇيى
ۋاكىلەتتى ورگانداردىڭ نورماتيۆتىك قۇقىقتىق اكتىلەردى ەسەپكە الۋ مەن جۇيەلەۋدى جۇرگىزۋ قاعيدالارىن بەكىتۋ تۋرالى
«قۇقىقتىق اكتىلەر تۋرالى» 2016 جىلعى 6 ساۋىردەگى قازاقستان رەسپۋبليكاسىنىڭ زاڭى 52-بابىنىڭ 2-تارماعىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. قوسا بەرىلىپ وتىرعان ۋاكىلەتتى ورگانداردىڭ نورماتيۆتىك قۇقىقتىق اكتىلەردى ەسەپكە الۋ مەن جۇيەلەۋدى جۇرگىزۋ قاعيدالارى بەكىتىلسىن.
2. «مەملەكەتتىك ورگانداردىڭ نورماتيۆتىك قۇقىقتىق اكتىلەردى ەسەپكە الۋى جانە جۇيەلەندىرۋى قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2013 جىلعى 25 قازانداعى №1146 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2013 ج., №62, 852-قۇجات) كۇشى جويىلدى دەپ تانىلسىن.
3. وسى قاۋلى قول قويىلعان كۇنىنەن باستاپ قولدانىسقا ەنگىزىلەدى جانە رەسمي جاريالانۋعا ءتيىس.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ
قازاقستان رەسپۋبليكاسى ۇكىمەتىنىڭ
2016 جىلعى 24 تامىزداعى №477 قاۋلىسىمەن بەكىتىلگەن
ۋاكىلەتتى ورگانداردىڭ نورماتيۆتىك قۇقىقتىق اكتىلەردى ەسەپكە الۋ مەن
جۇيەلەۋدى جۇرگىزۋ قاعيدالارى
1. وسى ۋاكىلەتتى ورگانداردىڭ نورماتيۆتىك قۇقىقتىق اكتىلەردى ەسەپكە الۋ مەن جۇيەلەۋدى جۇرگىزۋ قاعيدالارى (بۇدان ءارى - قاعيدالار) «قۇقىقتىق اكتىلەر تۋرالى» 2016 جىلعى 6 ساۋىردەگى قازاقستان رەسپۋبليكاسىنىڭ زاڭى 52-بابىنىڭ 2-تارماعىنا سايكەس ازىرلەندى.
2. قاعيدالار ۋاكىلەتتى ورگاندار وزدەرى قابىلداعان نورماتيۆتىك قۇقىقتىق اكتىلەر بويىنشا نورماتيۆتىك قۇقىقتىق اكتىلەردى ەسەپكە الۋ مەن جۇيەلەۋدى جۇرگىزۋ ءتارتىبىن ايقىندايدى.
3. نورماتيۆتىك قۇقىقتىق اكتىلەردى ەسەپكە الۋ مەن جۇيەلەۋ زاڭنامانىڭ قولجەتىمدىلىگىن, ونى پايدالانۋ ىڭعايلىلىعىن قامتاماسىز ەتۋ ماقساتىندا جۇرگىزىلەدى.
4. ۋاكىلەتتى ورگانداردا نورماتيۆتىك قۇقىقتىق اكتىلەردى ەسەپكە الۋ مەن جۇيەلەۋ جونىندەگى فۋنكتسيالاردى جاۋاپتى حاتشىنىڭ نەمەسە اپپارات باسشىسىنىڭ, ال جاۋاپتى حاتشى جانە اپپارات باسشىسى لاۋازىمدارى ەنگىزىلمەگەن مەملەكەتتىك ورگانداردا – مەملەكەتتىك ورگان باسشىسىنىڭ شەشىمىمەن ايقىندالعان ۋاكىلەتتى ورگاننىڭ ءتيىستى بولىمشەسى نەمەسە قىزمەتكەرى (قىزمەتكەرلەرى) جۇزەگە اسىرادى.
مەملەكەتتىك قۇپيالاردى قامتيتىن نورماتيۆتىك قۇقىقتىق اكتىلەردى ەسەپكە الۋ مەن جۇيەلەۋدى ءتيىستى ۋاكىلەتتى ورگاننىڭ مەملەكەتتىك قۇپيالاردى قورعاۋ جونىندەگى قۇرىلىمدىق بولىمشەسىنىڭ قىزمەتكەرى جۇزەگە اسىرادى.
5. نورماتيۆتىك قۇقىقتىق اكتىلەردى ەسەپكە الۋ مەن جۇيەلەۋدى ۋاكىلەتتى ورگاندار قازاق جانە ورىس تىلدەرىندە تۇراقتى نەگىزدە جۇرگىزەدى.
ەسەپكە الۋ قاعاز تۇرىندە جۇرگىزىلەدى جانە قولدانىستاعى نورماتيۆتىك قۇقىقتىق اكتىلەردى جيناقتاۋ مەن ساقتاۋدى, ۋاكىلەتتى ورگاننىڭ قىزمەت باعىتتارىنا سايكەس حرونولوگيالىق تارتىپپەن ورنالاستىرۋدى بولجايدى.
جۇيەلەۋ قاعاز تۇرىندە جۇرگىزىلەتىن «قىزمەت بابىندا پايدالانۋ ءۇشىن» دەگەن بەلگىلەرى بار نورماتيۆتىك قۇقىقتىق اكتىلەردى قوسپاعاندا, جۇيەلەۋ نورماتيۆتىك قۇقىقتىق اكتىلەردىڭ ماتىنىنە وزگەرىستەر جانە (نەمەسە) تولىقتىرۋلار, كۇشىن جويۋ, قولدانىلۋىن توقتاتۋ, توقتاتا تۇرۋ تۋرالى مالىمەتتەردى ەنگىزۋ جولىمەن ولاردى باقىلاۋ جاعدايىندا ۇستاۋ ارقىلى ەلەكتروندىق تۇردە جۇزەگە اسىرىلادى.
6. ۋاكىلەتتى ورگان قازاقستان رەسپۋبليكاسىنىڭ ۇكىمەتى بەكىتەتىن نورماتيۆتىك قۇقىقتىق اكتىلەردى رەسىمدەۋ, كەلىسۋ, مەملەكەتتىك تىركەۋ جانە ولاردىڭ كۇشىن جويۋ قاعيدالارىنا سايكەس قازاقستان رەسپۋبليكاسىنىڭ ادىلەت مينيسترلىگى جانە ونىڭ اۋماقتىق ورگاندارى جىبەرەتىن مەملەكەتتىك تىركەۋ تۋرالى قورىتىندىمەن قوسا قازاق جانە ورىس تىلدەرىندەگى نورماتيۆتىك قۇقىقتىق اكتىنىڭ تولنۇسقاسىن الادى.
ۋاكىلەتتى ورگاننىڭ جاۋاپتى ادامى نورماتيۆتىك قۇقىقتىق اكتىنى العاننان كەيىن وسى قاعيدالارعا قوسىمشاعا سايكەس نورماتيۆتىك قۇقىقتىق اكتىلەردى ەسەپكە الۋ جۋرنالىنا ءتيىستى جازۋلار ەنگىزەدى.
ۋاكىلەتتى ورگانداردىڭ نورماتيۆتىك قۇقىقتىق اكتىلەردى ەسەپكە الۋ مەن
جۇيەلەۋدى جۇرگىزۋ قاعيدالارىنا قوسىمشا
نورماتيۆتىك قۇقىقتىق اكتىلەردى ەسەپكە الۋ جۋرنالى
ر/س
№ نورماتيۆتىك قۇقىقتىق اكتىنىڭ كەلىپ تۇسكەن كۇنى, كىرىس تىركەۋ ءنومىرى نورماتيۆتىك
قۇقىقتىق اكتىنىڭ نىسانى مەن اتاۋى قابىلداعان
كۇنى تىركەۋ
ءنومىرى قازاقستان
رەسپۋبليكاسى
ادىلەت
مينيسترلىگىندە مەملەكەتتىك تىركەۋ كۇنى جانە ءنومىرى نورماتيۆتىك قۇقىقتىق اكتىنى ازىرلەۋ ءۇشىن جاۋاپتى قۇرىلىمدىق بولىمشە ەسكەرتپە
1 2 3 4 5 6 7 8